|
|
സ്കൂള് > കവിത
കാഴ്ചക്കപ്പുറം
കൃഷ്ണേന്ദു.എസ് | 'നിന്നെ ഞാൻ ഉപേക്ഷിക്കുന്നു'
എന്നുപറയാനാണാഗ്രഹം
പക്ഷേ അതെന്നെ ശ്വാസം മുട്ടിക്കുന്നു
ഒന്നുകിൽ നീ പുറത്തേയ്ക്ക് പോവുക
അല്ലെങ്കിൽ പൂർണ്ണമായും അകത്തേയ്ക്ക് .
നീയെന്റെ ഹൃദയത്തെ വശീകരിച്ചു,
എന്റെ സ്നേഹത്തെയല്ല.
എന്റെ പകലിനെ കാർന്നുതിന്നു,
രാത്രിയെയല്ല.
എന്റെ മഴയുടെ കുളിരിനെ ആസ്വദിച്ചു,
വെയിലിന്റെ ചൂടിനെയല്ല.
എന്നിൽനിന്നല്ല,
നിന്നിൽ നിന്നുമാത്രം നീയെന്നെ നോക്കുന്നു
അതുകൊണ്ട്
നീയറിഞ്ഞതല്ല ഞാൻ
നീ കണ്ടതുമല്ല.
|
|
|
